Kuvendi votoi mosbesimin ndaj tre anëtarëve të Këshillit Gjyqësor, vijon seanca ndaj dy anëtarëve tjerë

17:18 | 11 Mars 2025
Q L

Kuvendi pasdite në kuadër të seancës së 40-të votoi mosbesimin për anëtarët e Këshillit gjyqësor, Pavlina Cërvenkovska dhe Selim Ademi, e paraprakisht edhe për Vesna Dameva.

Kuvendi votoi konkludime individuale, sipas të cilave ata kanë pasur kontribut të konsiderureshëm në rrezikimin e pavarësisë, profesionalitetit dhe autoritetit të gjyqësisë dhe kanë kontribuar për rënien e besimit të qytetarëve në gjyqësi.

Njëheri, thuhet se e kanë anashkaluar dhe nuk e kanë kryer funksionin në punën e Këshillit, e për shkak të mosbesimit të votuar, e humbin legjitimitetin për të marrë pjesë dhe të vendosin në punën e Këshillit gjyqësor.

Pavlina Cërvenkovska ka dërguar përgjigje me shkrim për interpelancën, por nuk e elaboroi para deputetëve.

Në vijim është interpelanca e anëtares së Këshillit gjyqësor, Tanja Çaçarova-Ilievska, e pastaj do të debatohet edhe për interpelancën e parashtruar për Milazim Mustafën.

Në seancë nuk marrin pjesë deputetët e LSDM-së./telegrafi